Marka labaad, waxaan idinka codsanayaa inaad iisoo fasirtaan riyo aan habeen dhawayd ku riyooday, riyadaasi waxay ahayd: Waxaa iisoo baxay timo aad u dhaadheer oo aanan hore u lahaan jirin, timahaas aad ayaan ugu farxay riyada dhexdeeda waayo kolba dhinac ayaan u feedhaa oo aan u kala seexiyaa intaan galfeedh qaato. waxaanay ahaayeen timo madawo oo dhaadheer oo kuwa dumarka oo kale ah.
Jawaabta:
Riyada timaha aadka u dheer ee ninka waxay tilmaamayaan siyaado arsaaqda sidoo kale barako xagga cimriga iyo nimcooyin badan, timaha guud ahaan marka ay dheer yihiin waa wax fiican, sidoo kale farxadda waxay tilmaamysaa guul iyo wanaag inaad heli doonto.
Timaha waa qurux oo Ilaahay dadka siiyo rag iyo dumar ayay qurux u yihiin inkastoo gabdhaha ay aad u jecel yihiin hadana marka riyo lagu arko waxaa lagu fasiraa quruxdaan wax ka duwan hanti magac iyo arsaaq iyo guul, marka waa riyo fiican.