Qiso gaaban gabar WhatsApp guriga ka dumiyay

Nin ayaa xaas lahaa aadna wuu u jeclaa xaaskiisa, ninkii wuu ka maqnaa gurigiisa, gobol kale ayuu shaqo u joogay, ninkii mar kaste ayuu xaaskiisa kula sheekaysan jiray Whatsapka, habeen asoo la sheekaysanayo ayuu ku yiri hurdo ayaa i hayso caawa waan daalanahay mar kale ha noo ahaato, iyaduna waxay ku tiri anigaba hurdo ayaa i hayso waan iska seexanayaa.
Ninkii sariirta ayuu tagay hurdo ayuu waayay mar kale ayuu soo qabsaday taleefankiisa,  markuu furay whats-app wuxuu arkay xaaskiisa oo wali online ah.

Wuxuu u qoray xaaskiisa: aniga waan hurdi waayay adigana hurdada miyaa kaa tagtay.
si qalad ah ayay massage ugu soo qortay iyadoo leh: gacaliye barri ayaan kula kulmayaa, ninkeedii wuu yaabay wuxuu ku yiri: maxaa ka waddaa barri ayaan kulmaynaa? isla markii hadalkeedi ayay baddashay waxay ku tiri waxaan ka wadaa mustaqbalka guud ahaan, ninkeeda wuu ka shakiyay.

Wuxuu bilaabay inuu ka fikiro maxay ka wadday xaaskaaga barri ayaan kulmaynaa, ma nin kale ayay la sheekaysanaysay?!
maalmo kaddib xaaskiisa ayaa usoo dirtay massage iyadoo leh: aniga lama deganaan karo hooyadaada dagaalkeena ayaa batay ee waxaan rabaa guri gaar ah inaan dego.
ninkii wuxuu usoo diray lacag guri gaar u ah ay ku kiraysato, way ka guurtay guriga hooyadiisa, waxay degtay guri gaar u ah.
kaddib waxaa la soo xiriirtay ninka hooyadiisa oo leh: xaaskaaga aad ayay u baxdaa bannaanka, wayna wareeg badan tahay, wuxuu ku yiri hooyadiisa: hooyo xaaskayga waa haweeney dhowrasan oo fiican ee iska daa shakiga iyo tuhunka.

Ninkii wuxuu usoo noqday guriga xaaskiisa, taleefankeeda ayaa massejyo badan kusoo dhacay intuu soo qabtay ayuu eegay: wuxuu arkay qof dhahayo: ku aaway gacaliso maalmahan kuma arkee halkeed gashay? aniga habeen kaste waxaan kugu sugayaa xeebta.
Ninka ayaa kala xiriiray taleefanka xaaskiisa nambarka laga soo diray massajyada waxaa ka qabtay nin kale wuxuu ku yiri: ku aaway gacaliso halkeed gashay?  asoo moodaya naagta, ninkii wuxuu ogaaday xaaskiisa inay saaxib lahayd, wuxuu baaray taleefankeeda wuxuu ka arkay waxyaalo badan oo laga naxo.
wuxuu ogaaday xaaskiisa inay gogoldhaaf sameyso oo ay tahay naag dhilo ah oo xun.

isla markii wuxuu u celiyay taleefankeeda booskii uu kasoo qaaday iyadoon ogaanin, maalinta kale waxaa lasoo hadlay qof ay isla shaqeeyaan asoo leh: dhaqso usoo laabo shaqada ayaa lagaaga baahan yahay.

Maalinta seddexaad wuxuu la hadlay saaxiibkiisa cishaha kaddib, wuxuu u sheegay inuu soo baxayo, xaaskiisa ayuu ku yiri aniga shaqada ayaa layga baahan yahay marka waan baxayaa naagtiisa ayaa ooysay iyadoo leh gacaliye maxaa iiga tagaysaa? ninkii ayaa qaatay boorsadiisa gaarigiisa ayuu fuulay.

Ninkii ma bixin maalintaas habeenkeeda wuxuu kiraystay hotel u dhow gurigiisa, qolka daaqaddiisa waxay ku aaddanayd albaabka gurigiisa bil ayuu hoteelkaas deganaa, wuxuu ilaalinayay xaaskiisa wuxuu arkay saaxiibkeeda oo mar kaste wadayo marna la imaanayo guriga.
Nika wuxuu ogaaday xaaskiisa sababka ay uga fogaanaysay hooyadiisa.
bil kaddib wuxuu tagay gurigiisa asoo iska dhigaya nin shaqo ku maqnaa.
markuu tagay gurigiisa wuxuu ka dalbaday xaaskiisa inay booqdaan aabbaheeda waayo wuu u xiisay inuu booqdo.
marka ay tageen guriga aabbaheeda wuxuu ku yiri gurigiina sii joog 7 maalmood kaddib ayaan kuusoo laabanayaa.

markuu kasoo tagay wuxuu u diray warqadda furiinka.
aabbaheeda ayaa aad u xanaaqay gabadhiisa ayuu weyddiiyay sababka loo furay waxay ku tiri: ma ogi.
aabbaheeda ayaa soo aaday ninka siduu u ogaado sababka keenay furiinka gabadhiisa, wuu diiday inuu sheego asoo u ceeb asturaya gabadhiisa, laakin odayga wuxuu ku adkaystay inuu ogaado sababka loo furay gabadhiisa.
ninkii wuu u sheegay sababka oo ah gabadhiisa inay la raaxaysan jirtay saaxibkeeda gogoldhaaf ay samayn jirtay oo uu ka hayo caddeemo.
odeygii ayaa aad uga naxay gabadhiisa falka ay ku kacday.
naagtii meesha ayuu ku dumay gurigeeda sumcaddeedana meesha ayay ku burburtay waxaana usii dheer dambiga ay ka gashay rabbigeeda.
waa ciribta gogoldhaafka dumarka.

sheeko cibro leh waa sheeko gaaban oo qofka uu ku cibraqaadan karo